- 72 -

1381. Mai 27.

In nomine Christi amen. Nos Nicolaus de Friberg Canonicus Lubuczensis et officialis Wratislauiensis Universis et singulis quibus scire expedit volumus presentibus fore mani-festum, Quod cum de anno domini Millesimo ccc° lxxx° primo pro tribunali sedebamus ad nostram ibidem placidus adolescens Conradus quondam Kyliani de Hugewicz heres ville et allodij in Grudyn non citatus non vocatus non compulsus nec per errorem sed sponte et voluntarie accessit presenciam seque heredes ac successores suos pro tempore omnes et singulos ville et allodij predictorum ex certa sciencia, deliberacione eciam secum ut asseruit et cum amicis suis prehabita diligenti, rite obligando submisit ad dacionem prestacionem et solucionem decimarum campestrium in et de villa et allodio Grudyn predictis obveniencium singulis annis inantea et perpetuis futuris temporibus Venerabiii et Religiosis dominabus Priorisse et Conventui Mon. Sanctimonialium in Rathibor et ipsarum pro tempore successoribus universis sine omni contradiccione opposicione ac impedimento realiter et cum effectu integraliter et complete faciendam sub pena excommunicacionis ecclesiastica et censura in ipsum heredes et successores suos pro tempore ut premittitur quociens quod absit dacioni prestacioni et solucioni dictarum decimarum campestrium in toto vel in parte negligentes forent seu remissi ferenda Renunccians in et circa premissa pro se et nomine quorum supra omnibus et singulis excepcionibus defensionibus et auxilijs Juris que sibi et dictis suis heredibus et successoribus contra premissa in toto vel in parte possent quomodolibet suffragari Nobisque presentem confessionem et submissionem humiliter roborari supplicavit. Nos igitur Nicolaus Canonicus et officialis prelibatus presentem submissionem ratam habentes atque gratam ipsamque presentis scripti patrocinio rogati et debite requisiti confirmamus Mandantes prefato Conrado et ipsius heredibus et successoribus pro tempore in ipsius persona Quatenus deinceps et inantea singulis annis et perpetuis futuris temporibus dictas decimas in et de dictis villa et allodio in Grudyn provenientes realiter et cum effectu integraliter sine omni diminucione dent et persolvant sub pena excommunicacionis ecclesiastica et censura. Actum et datum in domo dothis Ecclesie parrochialis in Nysa Anno quo supra lune die xxvij mensis Maij Presentibus discretis viris domino Nicolao Campanat. presbitero, Petro Merczicz et Conrado Cyps clerico et notario nostro publico necnon discreto viro Petro Henrici de Olauia notario dictarum Priorisse et Conventus Mon. Rathiborgensis qui eciam nomine earundem dictam submissionem et obligacionem solucionis dictarum decimarum campestrium acceptavit et ad dictas decimas perpetuis futuris temporibus persolvendas fuit nomine earundem corporaliter investitus. In cuius rei fidem et testimonium omnium premissorum nostrum sigillum presentibus duximus appendendum.

Anhangend in rothem Wachs das Siegel des Officials, worauf derselbe unter der halben Figur Johannis des Taufers knieend dargestellt ist. Umschrift: S. NICOLAI. DE. FRIBERG. CAN. LVBVCEN. ET. OFFIC. WRATISL.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.